Nje Emer Nje Gjuhe Nje Tradite

Nga Albert Zholi

Ditët e fundit këngëtarja tashmë shumë e mirënjohur Maya ka hedhur në treg albumin e ri “Baba me zemër të madhe”. Një album që ditët e para dhe pa bërë asnjë reklamë televizive, radiofonike apo gazetareske ka thyer rekordet e shitjes. Janë plot dhjetë këngë të këtij albumi njëra më e bukur se tjetra që e kanë bërë tashmë këtë këngëtare, më të kërkuarën në treg. Ky album është produkt i “Erlodi music”. Në këtë album Maya shfaqet edhe si autore tekstesh dhe si kompozitore. Janë 6 këngë, ku autore dhe kompozitore është vetë këngëtarja e mirënjohur. Në këtë album ajo veçon dhe punën e shkëlqyer të kompozitorit dhe orkestrantit Ardian Hila. continue reading…

Fituesi i  70 mijë euro në “Big Brother”, Qetsori, pas përfundimit të kësaj gare do të hyjë në një tjetër garë. Partia Demokristiane, pjesë e koalicionit “Poli i Lirisë”, ka vendosur ta kandidojë atë për deputet në zgjedhjet e 28 qershorit. Përfaqësuesit e PDK-së duket se kanë marrë OK e familjarëve për ta kandiduar qe ne kohen kur qetesori ndodhej brenda ne shtepi.  Lajmin e bëri të ditur dje kreu i kësaj force politike Nard Ndoka gjatë hapjes së fushatës në qytetin e Vlorës. “Listën e kryeson kryetari i PDK-së, dega Vlorë, Baki Jazaj. Një kandidat tjetër, i cili mori një mbështetje të fuqishme nga të pranishmit, edhe pse nuk ishte prezent, Qetsor Ferruti, një nga personazhet shumë të njohur tashmë të shout televiziv ‘Big Brother 2’”, thuhet në njoftimin për shtyp të PDK-së. continue reading…

E ka rritur ashtu si gjithe nenat femijen e tyre por me me shume veshtiresi e sakrifica pasi ka qene e vetme ne kete beteje. E ema e Qetesor Ferrunaj flet ne nje interviste per gazeten “Shekulli” dhene gazetares Esiona Konomi. Nder te tjera ajo shprehet: ” Ka shpirt shume human dhe optimist. Dua tu bej me dije te gjithe fansave te tij ai ka nenshkruar nje kontrate sipas te ciles , ne rast fatkeqsie dhuron organet. Nuk e di pse i zene ne goje shprehjen e tij 70000euro kur ai dhuron jete? Kur trupi i tij eshte pjese e nje kontrate?Nuk e di se sa shqiptare e kane bere kete, qe mua fillimisht me ka lenduar shume, por tashme jam krenare per tim bir qe eshte i gatshem t’i fale jeten dikujt tjeter”.

Esiona Konomi

Sa ore ne dite e shiheni Sorin ne TV?

E shoh djalin tim qe ne oren 13: 30 qe kthehem nga puna deri pasmesnates kur ai fle. Me duket sikur e kam brenda ne shtepine time. Fle dhe dua te zgjohem me te , por me duhet te iki per ne pune.

Si reagoni kur e degjoni te debatoje me konkurentet e tjere?

Me emocione te papershkrueshme, aq thelle sa mund te ndjeje zemra e nje nene. Me keq kam perjetuar shakane e tij me Adin per 1 prillin qe treguan vone se ishte shaka. Ate dite kam shkuar ne spital. continue reading…

Nga Albert Zholi

Ditët e fundit këngëtarja tashmë shumë e mirënjohur Maya ka hedhur në treg albumin e ri “Baba me zemër të madhe”. Një album që ditët e para dhe pa bërë asnjë reklamë televizive, radiofonike apo gazetareske ka thyer rekordet e shitjes. Janë plot dhjetë këngë të këtij albumi njëra më e bukur se tjetra që e kanë bërë tashmë këtë këngëtare, më të kërkuarën në treg. Ky album është produkt i “Erlodi music”. Në këtë album Maya shfaqet edhe si autore tekstesh dhe si kompozitore. Janë 6 këngë, ku autore dhe kompozitore është vetë këngëtarja e mirënjohur. Në këtë album ajo veçon dhe punën e shkëlqyer të kompozitorit dhe orkestrantit Ardian Hila.

Maja, përse e ke titulluar albumin “Baba me zemër të madhe”?

Pasi këtë album ia dedikoj babit tim. Tashmë të gjithë e dimë se kudo këndohet në pjesën dërrmuese për nënat. Ato janë më të ndjeshme, më të dashura, më të lidhura me familjet, më të afërta në problemet e ndryshme. Për nënat shkruhet shpesh, këndohet shpesh, diskutohet më shpesh. Duket sikur baballarët i kemi lënë në hije (qesh). Duket sikur nuk po u japim atë që u takon në jetë. Sepse vetëm me nënat nuk do ishim në këtë jetë. Ata kanë të njëjtën pjesë në jetën tonë. Pa baballarët nënat nuk do kishin këtë rëndësi apo pjellori që kanë apo që ua ka falur zoti.

Ky është thelbi i tekstit?

Pak a shumë. Por kryesorja ku unë dua të ndalem është sepse shpesh herë dashuria e babait është po kaq e madhe sa e nënës, por më e heshtur. Një dashuri që disa herë edhe nënvleftësohet. Kam vënë re se brenda seriozitetit të babait ka një dashuri të madhe, të sinqertë, që babai nuk e shpreh me fjalë. Kjo dashuri e brendshme që nuk lulëzon në detaje mëmësie të jep më siguri, qetësi, më forcë me përqendrim. Edhe baballarët kanë nevojë për këngë, për ledhatime, edhe ata duhet të marrin atë që u takon në jetë. Janë me qindra këngë për nënat ndërsa për baballarët nuk kanë arritur dy shifrorin. Janë lënë në prapavijë.

Me këtë klip mos vallë ke bërë xheloze nënën?

(Qesh). Ajo se ka shprehur. Në biseda përkundrazi më ka mbështetur dhe më ka dhënë pëlqimin e saj. Ndoshta përbrenda ka ndonjë rezervë, por nuk besoj..nuk besoj sepse ata janë ndër çiftet që kanë jetuar në harmoni. Është vështirë sot të gjesh çifte (jo në moshën e prindërve të mi), të jetojnë në një harmoni të tillë. Jeta e vështirë, largësia tashmë e fëmijëve (për të mos thënë ekonomike) i ka bërë familjet me shumë probleme. Por për nënën kam kënduar këngën e kurbetit dhe babai gëzohej kur shumë fjalë teksti i dedikoheshin asaj.

Në këtë album pjesën më të madhe të teksteve dhe muzikës ju e keni bërë vetë. Pse kjo nismë. Mos vallë tregoheni egoiste?

Aspak. Tashmë unë e di natyrën e këngëve të mia, karakteristikat e zërit tim. Di shijet e fansave të mi si dhe atë që kërkon tregu i këngëve popullore në përgjithësi. Nuk është hera e parë që unë bëj tekste dhe muzikën e këngëve të mia. Nga albumi në album kam rritur tempin dhe përgjegjësinë e krijimit. Ky nuk është egoizëm. Është një përshtatje me tregun e këngës popullore. Kjo vjen edhe nga natyra e profesionit universitar. Unë kam mbaruar për aktrim sikundër edhe kam shkruar vazhdimisht poezi. Kam parë në albumet e mëparshme që tekstet e ia janë pëlqyer kështu që e shoh më komode dhe më rezultative të punoj vetë.

Domethënë lodhja është e trefishtë?

Tani nuk e mendoj si lodhje. Kur jam e mërzitur apo kam kohë bosh i përvishem teksteve të këngëve. Në rrugë, në biseda mes miqsh, në dasma, aktivitete, veçoj ato që janë më të lakuarat që t’i përvijoj si tekst. Kështu që ndihem më mirë, më e qetë, më e motivuar. Më pëlqen që tekstet ti bëj vetë, më zbavit, më vë në lëvizje memorien, më heq stresin. Është një punë që e bëj po me aq dëshirë sa dhe kur këndoj. Por duke bërë tekstet më ngacmon dhe ideja e muzikës. Krijoj një lidhje të dy skajshme që më bën vërtetë ti futem një pune pa menduar gjatë.

Ju në gjithë albumet tuaja keni bashkëpunuar me kompozitorin dhe orkestrantin Adrian Hila. Si funksionon bashkëpunimi juaj?

Është një bashkëpunim i gjatë që ka gjetur mirëkuptimin dhe seriozitetin e dyanshëm. Kjo përgjegjësi ka dhënë frytet e veta. Adrianin e kam pasur shok shkolle, jemi nga një krahinë. Ai tashmë njihet si një nga kompozitorët më rezultativ në Shqipëri. Është serioz, i talentuar, këmbëngulës, i sinqertë i palodhur. Në shumë raste muzika e tij më mbërthen të tërën deri në magjepsje.

Ju në shumë raste i këndoni dhe dashurisë. Edhe në këtë rast nuk i keni shpëtuar kësaj ndjenje shpirtërore?

Dashuria është e shumanshme. Është sa e përgjithshme aq edhe e veçantë. Dashuria është një ndjenjë që të bën të dridhet dhe dora në timonin e makinës. Kush këngëtar apo këngëtare nuk I ka kënduar dashurisë? Kush nuk ka bërë që me tekstet e bukura të këngës të lotojnë qindra njerëz që mbushin sallën apo pranë aparateve të radios? Në çdo vend të botës këngët ë të bukura janë këngët për dashurinë. Këngët që të emocionojnë bile të gjitha grupmoshat. Dashuria thyen shumë barriera të jetës dhe merr përmasat e një melhelmi shpirtëror të pazëvendësueshëm. 

Nga shumë këngëtare thuhet se Maya ka një gjoks prefekt dhe sy si deti i Vlorës në kulmin e kaltërsisë…

(Qesh). Ndoshta natyra në këtë pjesë të trupit është treguar më e duruar dhe më bujare. Por për mua nuk ka shumë rëndësi se sa zëri im. Atë nuk e këmbej dhe krahasoj me asgjë. Sytë janë pasqyra e shpirtit.

Jeni e dashuruar?

E thashë më lart brenda përkufizimit tim për dashurinë.

Kur e ndjen veten më mirë

Sigurisht kur më thonë këndon bukur. Mua më ftojnë në koncerte për zërin se sa për bukurinë. Edhe pse nuk e mendoj plakjen pasi kënga të mban të re, kur më bëjnë komplimente për zërin ndjehem e lumturuar. Zëri dëgjohet edhe në makinë, por fytyra nuk shihet.

Vërdallë globit nëpër aktivitete të ndryshme

Shpesh e mendoj këtë, por sapo vjen ftesa vetja më duket e qetë dhe e përgatitur. Lodhja sikur më fashitet. Kur të nderojnë dhe respektojnë duhet të përgjigjesh me të njëjtën monedhë. Kështu nisem me optimizëm në çdo ftesë që marr. Aeroplani më është bërë shtëpia e dytë. Jo më fal, e tretë, sepse e dyta është makina.